الأخبار

مشاعر عثمان ترثي محمد شريف

مشاعر عثمان : صحفية ورئيس تحرير جريدة اول النهار

محمد شريف
تمشي وتفوت من غير وداع
محمد شريف
يازول شفيف
تمشي وتفوت من غير وداع
انا كنت خاتاك للزمن
انا كنت شايلاك للمحن

تمشي وتفوت من غير وداع
ترمينا لسكك الضياع
اهو نحن ملمومين كتار
بكري ومصعب وكلهم
اسباط وعركي وكلنا
كمون دخل بيسال عليك
بندور بتونس معاك
يازول شفيف..
تمشي وتفوت من غير وداع
دايرين نعرس ليك كمان
يا محمد انت مشيت سريع
انا كنت جايه اجرتقك
وانا واماني نحننك
وانا و هيام نرقص كتيير
ونزغرد اسي في حفلتك
تمشي وتفوت من غير وداع
يابروف معز القاك وين
نتعازي في محمد شريف
نتعازي في الزول الرزين
وين ياسهام شان اقلدك
نتباكي في محمد شريف
نتباكي زين
دكتور دموعي عليك نزيف
ياناهد انتي تعالي لي
سلطتنا اصبح حالها شين
من غيرو تاني بلمنا،
من غيرو اصلا كان حنين

محمد شريف يازول شفيف
تمشي وتفوت من غير وداع
ناس الجرايد ناس كتار
انا زي محمد مالقيت
طوالي انت تنادي لي
طوالي انت تنادي لي
ياميشو جيت
تسال دوام من صحتي..
ومن اسرتي.. ومن النهار
يا طيب انت وياشفيف
الليله بكيت اي بيت
تمشي وتفوت من غير وداع
الليله كل الناس بكوك
وكل السفارات تنعي فيك
والسفراء حزنانين عليك
تمشي وتفوت من غير وداع

محمد شريف
يازول شفيف
يازول عفيف
يازول شريف
وصيتنا انت علي الحبيب
شايفاك بتختم بالرسول
اهتمو ميلاد الرسول
وانشاء الله يشفع ليك هناك
وتتعوض الحور في الجنان
يازول شفيف

جوبا-فندق جوبا لاند-اكتوبر٢٠٢٠

مقالات ذات صلة

زر الذهاب إلى الأعلى