المنوعات

اخر رحاله في السودان يمارس(المشي) :عمري ما ركبت (مواصلات) ولهذه (…. ) الاسباب شرطت تزكرة النقل بوجه(الوالي)

حوار 1-2

مؤسس اكاديمية (المشي)علي الاقدام
الرحالة السوداني  شمس الدين البشير في( دردشة) و سياحة داخلية ل(سيلونيود)
عمري ما ركبت (مواصلات) ولهذه (…. ) الاسباب شرطت تزكرة النقل بوجه(الوالي)

(الخرطوم)  كانت اجمل مدينه يضربوا بيها المثل والان اصبحت اسواء مدينه في السودان الواحد  يبكي للخرطوم!!؟

السودان بلد جميل!! فيه مناظر خلابه تدفعك الاندهاش!! والانتعاش!!

ناس الشرق عندهم دقة خاصه( للفندق) وتجهيذ القهوة ب(الفنجان)

بورتسودان من اجمل المناطق!و (الشرق والغرب ) هما ام الخضرة والجمال ! ! بالسودان!

زمان كان بناكل( القراصه) في مروي ( العصيده) في دارفور  و(اللبن) بالشرق ومع الايام توحدت تلك  الثقافات.

الخرطوم بقت  اوسخ مدينة في العالم و(الوالي) و(المسؤولين) المفروض(يخجلوا)
 
(البحر الأحمر) و(الاقاليم) من انظف المناطق بالسودان!!

حوار : نسمة ابوخماشة
في محاولة لمعرفة (جماليات) ،( الطبيعة) وما يكمن داخل(دوزنه) عالم مليئ  ب(الابداعات) و(القدرات – المواهب – المناظر الخلابه) روائع مدهشة ، و اجواء تحفه  ب(سد مروي – جبل مره – عطبرة) وتوتيل ونهر القاش!! ،وفترات الخريف قصص اخري، وحديث مختلف لدقة (الفندق) وقعدة (القهوة) بالشرق  تدفعك الاندهاش!! والجلسات قربها التقت  (سيلونيوز) في هذه المساحة  مؤسس اكاديمية (المشي)علي الاقدام الرحالة السوداني  شمس الدين البشير في حوار يروي السياحة الداخلية و كل الجوانب  عديد من الخبايا داخل مدن  البلاد والبيئه المحيطة ، يكشفها الرحاله خلال تجواله (مشيا) علي قدميه.

في البدء خلينا نعرف اخر مرة ركبت فيها مواصلات متين؟

عمري ماركبت( مواصلات) و شرطت تذكرة النقل بوجه والي كسلا، لانه قال لي اركب مواصلات اثناء عودتي من كسلا الي الخرطوم.

خلال سيرك مشيا علي قدميك داخل وخارج البلاد وتمعنك بكل الوان طيف السودان وثقافاته المتعدده وسط الطبيعة والبئات المختلفة  كيف بتشوف السودان الارض والوطن؟

السودان بلد جميل وشاسع وبه اجواء  مختلفة، وامطار روعة و جميله  في الخريف وسد مروي فيه غير!! يا سلام!! رحلات جميله عشتها وانا اتنزه فيه!! الجو حلو بالشرق والغرب ومناظر خلابه تدفعك الاندهاش!! والانتعاش.

حدثنا قليلا عن اكثر المناطق (جازبية وروعة)في فترات  الخريف وكيف بتشوف ذلك الجمال.،وكيف نستفيد منه؟

(الشرق والغرب ) هما ام الخضرة والجمال  بالسودان!  وكسلا القاش ايه من الجمال،و (جبل مرة وجبال النوبة) والدلنج روعة وقمة الفنون يا الله!! . وهذه يمكن ان تكون وجهه للسياح وزيادة الدخل الاقتصادي والعملة الصعبة.

كيف كانت اول رحلة ليك؟ ولي وين ؟
اول رحلاتي كانت من( الخرطوم) الي ( بورتسودان)
كانت رحلة جميلة والولاية اتحضرت وزادت جمال طبيعة المواطن  في الولاية ديك عاديه جدا و روعة وفي الخريف جميله  الناس غذوا  بورتسودان و ادخلوا فيهم الثقافات المتعددة، زمان كان بناكل( القزاصه) في مروي  (العصيده) في دارفور  و(اللبن) بالشرق ومع الايام توحدت تلك  الثقافات ما بين ولاية واخري   والملبس كذلك  والان كل شيئ اتوحد.

احكي لينا شوية عن (قعده القهوة) بالشرق؟
ناس الشرق عندهم دقة خاصه( للفندق) وتجهيذ القهوة وقهوتهم بالفناجين الصغيرة ديك تشرب لمن تروي قهوة بس! ناس الشرق ماذي هسي كانزما عندهم هموم ولا مشاكل بس قهوتهم دي.

وانت ماشي بشوارع العاصمة الحاجة اللفتت انتباهك شنو اكتر؟

الاوساخ؟ الخرطوم  كانت بلد يضربوا بيها المثل والان اصبحت اسواء مدينه في السودان والواحد  يبكي للخرطوم، ولابد ان تكون هنالك توعيه صحية، والان لا يوجد نظام لذلك داخلها

بما اننا  عرفنا او تطرقنا تصنيف اوسخ المدن، بالنظير  خلينا نكشف   انظف ولاية داخل البلاد الي تاريخ  يوم الليلة! مقارنه بالماضي؟
(البحر الأحمر) و(الاقاليم) انظف حاجة وروعة في الجمال من ولايه الخرطوم وللمرة الثانية اناشد الوالي العمل عليها اكثر، باعتبارها عاصمة قومية ولابد ان تكون انموزج.

بتشوف شنو في جبل مرة ؟
جبل مرة فيه الاحواء المختلفة ولكن البلد ما شايفين ليها امكانات لاصلاحة.

بنرجع ليكم تاني ونواصل… دردشة خفيفة مع الرحال….

مقالات ذات صلة

زر الذهاب إلى الأعلى